DOF control

Maya Maari Jaane Mayalu!

This music video was impromptu shooting, was shot just for fun. However, the audio recording is professional one.

इतिहास जित्ने हरुको लागि !- प्रणय लिम्बु blogged on 5/24/08

सन २००२ तिरको कुरा हो, प्रणय लिम्बु र रुद्र गुरुङ्ग आभासमा आफ्नो पहिलो वृत्तचित्र The Crime and Correction शीर्षकको डकुमेन्ट्री लिएर आउनुभएको थियो, हामी Television production and Direction का प्रशिक्षार्थीहरु माझ । उर्लाबारी हत्या र त्यसको छानबिनसँग सम्बन्धित् त्यस डकुमेन्ट्रीमा crime त थियो तर correction थिएन । तर प्रणय लिम्बुको ब्यक्तित्व र प्रभावशाली वाकशैलीलाई मैले प्रशंसा गरेको थिएँ, डकुमेन्ट्री सम्बन्धि राय बुझ्ने क्रममा सबैले आलोचना गरे पनि मैले सह्राएको थिएँ ।

केही वर्ष पछि जब मैले संचार माध्यम मार्फत् प्रणय लिम्बुले कुबेर अंकलको बारेमा डकुमेन्ट्री बनाएको सुनें, खुशी लाग्यो ,विस्मात पनि लाग्यो । कुबेर राईलाई मैले पनि आफ्नो डकुमेन्ट्रीको पात्र कल्पना गरेको थिएँ,वहाँलाई म व्यक्तिगत रुपले धेरै चिन्दथें । डकुमेन्ट्री हेर्न ज्यादै उत्सुक थिएँ तर हेर्न भने पाएको थिइनँ । धेरै पछि you tube मा हेर्न पाएँ, खुशी लाग्यो । खबर सुने देखि नै प्रणय दाइलाई बधाइ र धन्यवाद दिऊँला भनेको,साइत जुरेको छैन । थोरै कमीको बावजूद डकुमेन्ट्री धेरै राम्रो लाग्यो । प्रणय र टिमको उत्तरोत्तर सफलताको कामना गर्दछु ।

The Honey Hunter- By Gore Gurung blogged on 5/24/08

गोरे गुरुङ्ग, नजानिंदो गरी अत्यन्तै लोकप्रिय नाम हो । नेपालका मूलप्रवाहका संचार माध्यममा उनको चर्चा छैन तर उनको आफ्नै दर्शक छन्, यो भने निर्विवाद छ । मैले उनको यौटा भिडियो फिल्म हेरेको थिएँ । पोखराको ब्लु आइ स्टुडियोमा मैले वहाँलाई The Honey Hunter को सम्पादनको तल्लीन अवस्थामा भेटेको थिएँ, अति सरल र सहज ब्यक्ति । म युग गुरुङ्गजीलाई भेट्न गएको थिएँ , युगजी पनि मजाको मान्छे हुनुहुन्छ, वहाँले गोरे दाइसँग परिचय गराउँदै यस डकुमेनट्रीका केही दृश्यहरु देखाउँदै क्यामेरा कलाको प्रशंसा गर्नुभएको थियो ।

"अन्तर्जातिय विवाह र दलित सन्दर्भ" blogged on 7/22/08

मैले सन् २००४-५ तिर डकुमेन्ट्रीको लागि यौटा विषय वस्तु बन्न सक्ने संभावना भनेर "अन्तर्जातिय विवाह र दलित सन्दर्भ" शीर्षकमा प्रस्तावना दलित एन जी ओ फेडेरेसन, कास्कीका संयोजक डि बि नेपाली जीलाई बुझाएँ । वहाँलाई अवधारणा मन पर्यो केन्द्रमा कुरा राख्छु भन्नु भयो, त्यो भन्दा पहिले हाम्रो कुनै चिनजान र संपर्क नरहेकोले मैले उति विधि आश पनि गरिनँ । तर लगभग एक वर्ष पछि एकदिन "डकुमेन्ट्रीको प्रस्ताव स्वीकृत भयो, आउनु होस् "भनेर वहाँले फोन गर्नु हुँदा असाध्यै खुशी लाग्यो । जिनेश यु के जाने धपेडीमा थियो, सुरजले थोरै बहुत साथ दिन्थ्यो, सबै काम एक्लै गरें तर फिल्डमा जान डि बि जी ले राम्रो साथ दिनु भयो । पछि पृथ्वीचोकको यौटा होटलको सभाकक्षमा यसको प्रदर्शनी र छलफल पनि भयो । त्यस अर्थमा सार्वजनिक प्रदर्शनी भएको मेरो पहिलो डकुमेन्ट्री भन्नुपर्छ यसलाई ।